Qazaqstannyń Qytaıdaǵy Elshisi Shahrat Nuryshev QHR Syrtqy ister mınıstriniń birinshi orynbasary Le Iýıchenmen kezdesti.
Taraptar eki el arasyndaǵy saıası, ekonomıkalyq jáne mádenı-gýmanıtarlyq salalardaǵy yntymaqtastyqtyń aǵymdaǵy jaı-kúıi men keleshekterin, sondaı-aq joǵary jáne bıik deńgeılerde qol jetkizilgen ýaǵdalastyqtardy iske asyrý baǵyttaryn talqylady.
Erekshe nazar qyrkúıek aıynda QR Prezıdenti Qasym-Jomart Toqaevtyń QHR-ǵa alǵashqy memlekettik saparyna daıyndyq máselelerine aýdaryldy. О́z kezeginde, qytaılyq dıplomat Memleket basshysynyń Qazaqstan-Qytaı qatynastarynyń qalyptasýy men damýyna qosqan úlesine joǵary baǵa berdi.
Sondaı-aq, aǵymdaǵy jyldyń ekinshi jartysynda ótkizilýi josparlanǵan kópjaqty halyqaralyq is-sharalar kúntizbesi men ózara saparlar kestesi talqylandy.
Qazaqstan-Qytaı qarym-qatynastarynyń jan-jaqty strategııalyq áriptestiginiń oń serpinin saqtaý maqsatynda saıası, parlamentaralyq, partııaaralyq, úkimetaralyq jáne vedomstvoaralyq turaqty baılanystardy damytý týraly ýaǵdalastyqqa qol jetkizildi.