Túrkııanyń bedeldi basylymdarynyń biri, bıyl jaryq kórgenine 95 jyl tolǵan, atyn Atatúriktiń ózi qoıǵan Cumhuriyet gazetinde «Egemen Qazaqstan» gazeti týraly maqala jarııalandy.
Gazettiń Ankaradaǵy tilshiler qosynynyń basshysy Iklım О́ngel el gazeti «Egemen Qazaqstan» redaksııasyna arnaıy kelip, ujym qyzmetkerlerimen kezdesken bolatyn. Túrkııanyń bas basylymy «Ushqynnan» «Egemen Qazaqstan-ǵa» deıingi gazet tarıhy men búgingi tynysy týraly baıandaǵan. «Gazet 54 jyl boıy «Sosıalıstik Qazaqstan» atymen jaryq kóredi, 90-jyldary búgingi atyn alǵan úlken basylymnyń tırajy qazirgi tańda 200 myńǵa jetedi. Bılik pen halyq arasyndaǵy kópirge aınalǵan gazette 120-ǵa jýyq qyzmetker bar. Qazaq halqynyń birtýar azamattary men zııalylarynyń basshylyq etýi Cumhuriyet gazetiniń tarıhyn eske salady» delingen maqalada.
Sonymen birge gazetimizdiń saıty úsh tilde habar taratatyny, latyn qarpinde arnaıy better shyǵyp turatyny týraly jazylǵan. «Egemen Qazaqstan» respýblıkalyq gazeti» AQ Basqarma tóraǵasy Darhan Qydyrálimen suhbaty jaryq kórgen.