Nur Otan partııasynyń Almaty qalalyq fılıalynda partııany qaıta jańǵyrtý týraly máseleler pysyqtaldy.
Almatyda partııanyń Saıası keńesiniń múshesi, AQF tóraǵasy, Almaty qalasynyń ákimi Baqytjan Saǵyntaevtyń qatysýymen Nur Otan partııasy Almaty qalalyq fılıaly Saıası keńesiniń keńeıtilgen otyrysy ótti. Otyrys barysynda Nur Otan partııasy Almaty qalalyq fılıalynyń partııany qaıta jańǵyrtý týraly Saıası keńesiniń sheshimderin júzege asyrý jónindegi mindetteri týraly máseleleri qaraldy.
Saıası Keńeste Baqytjan Saǵyntaev azamattardyń partııamen jáne atqarýshy organdarmen dıalogyn kúsheıtýdiń mańyzdylyǵyn atap ótti. Osy arqyly halyqtyń ózekti máselelerin sheshý qajet.
«Bizde «Baqytty otbasy – Almaty» qorynyń jumysy jolǵa qoıyldy. Tájirıbe bar. Búginde 3 myńǵa jýyq anaǵa kómek kórsetildi. Bir aı buryn respýblıkada alǵash bolyp «Mobıldi halyqqa kómek» jobasyn iske qostyq. Osy ýaqyt ishinde qala shetinde ornalasqan bazarlar men vokzaldarda memorgan basshylary men depýtattar 1300 adamdy qabyldady. Máseleniń 67 paıyzy oń sheshimin tapty. Máslıhat depýtattary basshylyq etken áleýmettik jáne ınjenerlik ınfraqurylym nysandarda 60 partııalyq baqylaý beketteri ornalastyryldy», - dedi Baqytjan Saǵyntaev.
Jıynda AQF tóraǵasy Baqytjan Saǵyntaev birqatar sheshim qabyldady. Apta saıyn B.Saǵyntaevtyń qatysýymen Nur Otan partııasynyń fılıalynda ózekti máseleler boıynsha shuǵyl jıyndar ótkizý, fılıal janynan áleýmettik-ekonomıkalyq máselelerdi qaraý jónindegi Azamattyq komıtet qurylady. Bul komıtet memorgandarmen birlesip, máseleniń sheshý joldary men olardyń oryndalýyn baqylaıdy. Sondaı-aq máslıhattaǵy fraksııanyń rólin arttyrý, Jas Otan jáne Almaty qalasynyń Qoǵamdyq keńesiniń jetekshiligimen JOO-daǵy jemqorlyqqa qarsy monıtorıng júrgizý jáne qala ákimdigi janyndaǵy Jastar saıasaty jónindegi keńestiń jumysyn jandandyrý.
Is-sharaǵa Almaty qalalyq partııa fılıalynyń Saıası keńesi men depýtattyq fraksııasynyń músheleri, bastaýysh partııa uıymdarynyń ókilderi, ákim orynbasarlary, aýdan ákimderi jáne basqarma basshylary qatysty.
ALMATY