Sársenbi, 13 aqpan 2013 7:23
«Mektep bitirýshilerge mamandyq tańdaýǵa kómek» – osyndaı taqyrypqa armııa generaly S.Nurmaǵambetov atyndaǵy respýblıkalyq «Jas ulan» mektebi basshy quramy aldynda Áskerı-áýe kúshteri qolbasshysynyń tárbıe jónindegi orynbasary polkovnık Erkin Jumaǵalıev bastama kóterdi. Bul ıdeıaǵa mektep bastyǵy polkovnık Marat Botın qyzý qoldaý kórsetti. Sol kúni respýblıkalyq «Jas ulan» mektebinde josparlanǵan kezdesý ótkizildi.
Sársenbi, 13 aqpan 2013 7:23
«Mektep bitirýshilerge mamandyq tańdaýǵa kómek» – osyndaı taqyrypqa armııa generaly S.Nurmaǵambetov atyndaǵy respýblıkalyq «Jas ulan» mektebi basshy quramy aldynda Áskerı-áýe kúshteri qolbasshysynyń tárbıe jónindegi orynbasary polkovnık Erkin Jumaǵalıev bastama kóterdi. Bul ıdeıaǵa mektep bastyǵy polkovnık Marat Botın qyzý qoldaý kórsetti. Sol kúni respýblıkalyq «Jas ulan» mektebinde josparlanǵan kezdesý ótkizildi.
Polkovnık E.Jumaǵalıev joǵary synyp oqýshylaryna Qazaqstan Áýe qorǵanysy kúshteriniń qurylymy týraly aıtyp, osy ásker túrine mamandar daıarlaıtyn Qazaqstandaǵy jáne shetelderdegi áskerı oqý oryndary týraly habarlady. Oqýshylar aqparatty tyńdap jáne ádemi jasalǵan slaıdtardan Qazaqstan Áýe kúshteri quramyndaǵy ushaqtar men tikushaqtardy, áskerı avıasııanyń tolyqqandy jumys isteýin qamtamasyz etetin mamandar jaıly maǵlumattarǵa qanyqty.
«Jas ulan» mektebi oqyp jatqan oqýshylarǵa tek áskerı bolýdy mindettemeıdi, biraq tyńdaýshylardyń kópshiligi qazirdiń ózinde áskerı oqý ornyna túsýge sheshim qabyldaǵany ras. Olardyń deni avıasııa mamandaryn daıarlaıtyn oqý ornyn tańdaǵany belgili boldy. Bul tegin emes, sebebi, oqýshylardyń kópshiligi oqý barysynda «Memlekettik avıasııa ortalyǵynda» taǵylymdamadan ótip, jeńil oqý-jattyǵý ushaqtarymen kók aspanda óz erkimen samǵap, ortasha 60 saǵat ushý tájirıbesin jınaǵandar.
Qozǵalǵan taqyrypqa erekshe qyzyǵýshylyq tanytqan ulandar qonaqtardy suraqtyń astynda qaldyrdy. Munyń ózi olardyń ushqyshtar daıarlaıtyn oqý oryndaryna qujattaryn tapsyratyndyǵyn dáleldep berdi.
– Men ózim burynnan ushqysh bolamyn dep sheship qoıǵanmyn, búgingi kezdesý dál qandaı oqý ornyna túsýimdi anyqtaýyma óz kómegin tıgizdi, – dep aǵynan jaryldy 11-synyp oqýshysy Stanıslav Tashılın. – Búgin maǵan bári túsinikti boldy. Men óz tańdaýymdy jasadym.
– Belgilengen tártip boıynsha qujattardy áskerı oqý oryndaryna qabyldaý aqpan aıynan bastaldy. Demek, bul kezdesýdiń tekke ketpegendigi anyq. Eger osy balalardyń ishinen qajet degen oqý ornyna túsip, bolashaqta ushqyshtar shyǵyp jatsa, ári oǵan olar ókinbeıtin bolsa, onda meniń búgingi kezdesýimniń paıdasy tıgendigi, – dedi polkovnık Erkin Jumaǵalıev.
«Egemen-aqparat».