«Azamattarǵa arnalǵan úkimet» memlekettik korporasııasy jyl basynan beri Semeı ıadrolyq synaq polıgonynan zardap shekkenderge birjolǵy memlekettik aqshalaı ótemaqy boıynsha 2924 tólem taǵaıyndady. Bul týraly korporasııanyń baspasóz qyzmeti habarlady.
Zardap shekkenderge beriletin ótemaqy mólsheri radıasııalyq qaýip aımaqtaryna qaraı bólinedi.
Atalǵan birjolǵy ótemaqyny alý úshin synaq saldarynan zardap shekken aımaqta turǵandar tirkeýden ótip, tıisti kýálik alýy tıis. Bul úshin memlekettik korporasııanyń front-ofısine júginý qajet. Qyzmetti alý úshin azamattar ótinish jazyp, tól qujat kóshirmesin, mekenjaı anyqtamasyn, banktegi shotynyń nómirin, sondaı-aq 1949-1990 jj. ıadrolyq synaqtar ótken aımaqta turý faktisin rastaıtyn qujattaryn ótkizedi.
Aıta keteıik, 2019 jyldyń alǵashqy alty aıynda Semeı polıgonynan zardap shekti degenderge 5,7 myń kýálik berildi.