Grek-rım, erkin jáne áıelder kúresinen álem chempıonynyń uıymdastyrýshylary álem birinshiliginiń júldegerlerine beriletin medaldyń dızaınyn kópshilikke jarııa etti.
Uıymdastyrýshylar dóńgelek pishindes qalypty dızaınnan bas tartyp, medaldyń úsh buryshty túrin tańdaǵan. Bul forma kúrestiń úsh túrinen Birikken kúres álemi (United World Wrestling) aıasynda ótetin álem chempıonatynyń birligi men turaqtylyǵy ispettes.
Uıymdastyrý komıtetiniń tóraǵasy Erlan Qojasbaıdyń aıtýynsha, medaldiń betinde birinshiliktiń logotıpi men astanamyzdyń sımvoly - "Báıterek" salynǵan. Al logotıpti tolyqtyryp turǵan doǵal syzyqtar kúres ádisin sıpattaıdy.
Al medaldyń ekinshi betinde kúresten álem chempıonatynyń sımvoly - qar barysy beınelengen.
Esterińizge sala keteıik, 2019 jyldyń 14-22 qyrkúıek aralyǵynda Qazaqstan astanasy Grek-rım, erkin jáne áıelder kúresinen álem chempıonatyn qabyldaıdy. Bul dúbirli dodada Tokıo Olımpıadasyna irikteý bastalady. "Barys Arenada" ótetin jarysta Olımpıada lısenzııasy úshin álemniń 100 elinen 1002 balýan talasqa túsedi.