Qazaqstan Prezıdenti Qasym-Jomart Toqaev 2 qyrkúıektegi Qazaqstan halqyna Joldaýyn júzege asyrý boıynsha Premer-Mınıstr Asqar Mamınniń jalpyulttyq is-qımyl josparyn ázirleý týraly aqparatyn tyńdady. Bul týraly Aqordanyń baspasóz qyzmeti habarlady.
Memleket basshysy elimiz saıası jáne áleýmettik-ekonomıkalyq reformalardyń jańa kezeńine aıaq basqanyn atap ótti. Onyń aıtýynsha, atalǵan ýádelerdi oryndaý ortalyq pen óńirlerde, birqatar zań jobalary men basqa da normatıvtik-quqyqtyq aktilerdi ázirleýdi qosa alǵanda mańyzdy ári úılesimdi jumysty talap etedi.
«Joldaýdyń ýaqytyly jáne sapaly júzege asyrylýy ǵana azamattardyń ómir súrý deńgeıin arttyryp, ekonomıkanyń qurylymdyq jańǵyrýyn qamtamasyz etedi. Joldaýda qoıylǵan mindetter belgilengen merzimde múltiksiz oryndalýy tıis. Úkimet jalpyulttyq is-qımyl josparyn ázirleý jónindegi jumysty bastaǵany durys boldy. Arqany keńge salatyn ýaqyt joq. Barlyq mınıstrlikter men vedomstvolardyń, ákimdikterdiń basshylary reformalardy tıimdi jáne ýaqtyly júzege asyrýǵa ózderi jaýapty bolady», – dedi Qasym-Jomart Toqaev.