Parlament Senatynyń Tóraǵasy Darıǵa Nazarbaeva Az ulttar isteri jónindegi EQYU Joǵarǵy komıssary Lamberto Zanerdi qabyldady, dep habarlaıdy Joǵary Palatanyń baspasóz qyzmeti.
Taraptar osy saladaǵy Qazaqstan men EQYU yntymaqtastyǵy máseleleri boıynsha pikir almasty.
Odan ári yntymaqtastyq jasasýdyń keleshek baǵyttary – «Kóp ultty qoǵamdaǵy polıseılik qyzmeti» jobasy, sıfrlyq BAQ, qoǵamdy aqparattandyrý ahýalyndaǵy mádenı ózgeris.
D.Nazarbaeva Qazaqstan ártúrli etnostardyń tilinde oqytylatyn mektepterde ana tilin jáne memlekettik tildi meńgerý deńgeıin arttyrýǵa yqpal etetin Ortalyq Azııadaǵy bilim berý baǵdarlamasyn joǵary baǵalaıtynyn atap ótti. «Memlekettik tildi meńgerý deńgeıi jyl saıyn artyp keledi. Biz praktıkalyq yntymaqtastyqty odan ári jalǵastyrýǵa múddelimiz», - dedi Senat Tóraǵasy.
Joǵarǵy palata basshysy úsh tildi saıasatty eskere otyryp, Tilderdi damytýdyń memlekettik baǵdarlamasy aıasynda ulttyq jáne jeksenbilik mektepterdiń qyzmetine qoldaý júrgizilip otyrǵanyn aıtty. Sondaı-aq, D.Nazarbaevanyń pikirinshe zamanaýı geosaıası jaǵdaıda kóp til bilý – jańa múmkindikter men básekege qabiletti bola alý basymdylyǵyn beredi.
Parlamentaralyq yntymaqtastyqty sóz ete otyryp, Senat basshysy EQYU Parlamentaralyq Assambleıasy aıasynda Senat jumysyn kúsheıtý qajettigin atap ótti.
L.Zaner EQYU Qazaqstanmen jasasqan yntymaqtastyqqa úlken mán beretinin jáne Uıymnyń árbir múshesi onyń qozǵaýshy kúshine aınalýy kerek ekenin atap ótti.