M.H. Dýlatı atyndaǵy Taraz memlekettik ýnıversıtetiniń Mars Úrkimbaev atyndaǵy Jastar saraıynda TÚRKSOI Jastar kameralyq orkestriniń konserti ótti.
Atalǵan shara bıyl Túrkitildes memleketterdiń yntymaqtastyq Keńesiniń qurylǵanyna 10 jyl tolýy qurmetine arnaldy. Konsertke Taraz qalasynyń ónersúıer turǵyndary, atalǵan ýnıversıtettiń oqytýshylary men stýdentteri qatysty.
Quramynda kúni búginge deıin 10 eldiń 100-den astam talantty jastary óner kórsetken orkestrge bul joly Tatarstannyń Halyq artısi Renat Salavatov, Qazaqstannyń Eńbek sińirgen qaıratkeri Anvar Akbarov jáne Ázirbaıjannyń tanymal jas talanty Mustafa Mehmandarov syndy tanymal óner adamdary dırıjerlik etti. Orkestr quramy álemge áıgili shyǵarmalardy oryndap, kópshiliktiń yqylasyna ıe boldy. Sonymen qatar, Halyqaralyq TÚRKSOI uıymynyń uıymdastyrǵan konserttik baǵdarlamasynda álemdik deńgeıdegi sahna sańlaqtarymen birge óner kórsetip, tájirıbe jınaǵan jas talanttar tyńdaýshylaryn Túrki álemi mýzykasynyń sıqyrly álemine birge saıahat jasaýǵa shaqyrdy.
Saltanatty sharaǵa Halyqaralyq túrki mádenıeti uıymynyń Bas hatshysy Dúısen Qaseıinov arnaıy qatysyp, TÚRKSOI Jastar kameralyq orkestriniń Ortalyq Azııaǵa tuńǵysh ret týrnege shyqqanyn atap ótti. «Orkestrimiz qurylǵan kúnnen bul kúnge deıin álemniń túkpir-túkpirinde konsertter berdi. Alaıda óz elimizde osyndaı iri týrne uıymdastyrmap edik. Bul týrne – biz úshin týǵan aımaǵymyzdaǵy alǵashqy týrymyz bolady», dedi Bas hatshy. Sonymen qatar, Taraz qalasy Qazaqstannan kelesi kezekte «Túrki áleminiń mádenı astanasy» atanýǵa laıyq birden-bir qala ekenin de atap ótti.
О́z sózinde M.H.Dýlatı atyndaǵy Taraz Memlekettik ýnıversıtetiniń rektory Mahmetǵalı Sarybekov atalǵan orkestrdiń mádenı qundylyǵymyzǵa negizdelgenin, ónerpazdardyń da joǵary deńgeıli mamandar ekenin aıta kele, Bas hatshy Dúısen Qaseıinovke ýnıversıtettiń «M.H.Dýlatı atyndaǵy tósbelgisin» tabystady.
Tutas túrki halqynyń birligin nasıhattaıtyn týrne aǵymdaǵy jyldyń tamyz aıynda Túrkistan oblysynan bastaý alyp, Shymkent qalasynda jalǵasqan bolatyn. Endi kóne Taraz shaharynan keıin týrne Almaty qalasynda jáne Qyrǵyz Respýblıkasynyń Bishkek, sonymen qatar Ázirbaıjan Respýblıkasynyń Baký qalasynda jalǵasady.
Jambyl oblysy