Qasym-Jomart Toqaev Qazaqstannyń ekinshi Prezıdenti retindegi alǵashqy Joldaýynda ǵylymdaǵy jaǵdaıdy nazardan tys qaldyrmady jáne asa mańyzdy máseleni kóterdi.
Ǵylymǵa bólingen qarajat qanshalyqty utymdy jáne tıimdi paıdalanylady? Qazaqstandaǵy ǵylymnyń damý qarqyny qandaı?
О́tkenge kóz júgirtsek, Bilim jáne ǵylym mınıstrliginiń 2015-2017 jyldary bólingen granttardyń nátıjesinde bir ǵylymı maqalanyń quny 100 mln teńgeni qurady. Iаǵnı, ortasha eseppen bıýdjetten qarjylandyrylǵan barlyq jobalardyń arasynan tek árbir úshinshi joba ǵana joǵary sapaly halyqaralyq jýrnaldarda bir maqala jarııalaýǵa jarady. Bul damýshy elderge qaraǵanda, ortasha eseppen 20 ese qymbat nemese jalpy quny 20 mıllıard teńgeni quraıtyn, biraq nátıjesinde kommersııalyq kirisi tek 400 mıllıon teńge jınaǵan Ǵylym qorynyń jobalary esterińizde bolar. Sol kommersııalyq jobalardyń aıasynda qurylǵan kompanııalardyń qanshasy ári qaraı óz betimen naryqta qalady? Ǵylym qorynyń júrgizgen jumystary búginde kóptegen suraq týdyryp otyr, jemqorlyq jaıy taǵy bar. Sondyqtan onyń maqsaty men jumysyn qaıta qaraý qajet. Mine, osy túıtkilderdi eskergen Prezıdent Úkimetke ǵylymı zertteýlerdiń sapasyn arttyryp, ondaǵy jańalyqtyń tájirıbede qoldanylýyna qatysty naqty sheshimder qabyldaýdy tapsyrdy.
Memleket basshysy ulttyń damýyn qamtamasyz etý úshin ǵylymdy damytý kerek ekendigin dál atap ótti. Bul Prezıdenttiń buǵan deıin aıtyp ketken bilim men ǵylymdy qarjylandyrýdy IJО́-den 5 paıyzǵa deıin ulǵaıtý týraly nusqaýy jańa 2020-2025 jyldarǵa arnalǵan memlekettik baǵdarlamada eskerilip, máselelerdiń óz sheshimi tabylyp, otandyq ǵylymnyń ınnovasııalyq sapasy joǵarylaıtynyna senim syılaıdy.
Maqsat JABAǴIN,
Bilim jáne ǵylym mınıstrliginiń janyndaǵy Jas ǵalymdar keńesiniń tóraǵasy