Syrtqy ister jáne Aýyl sharýashylyq mınıstrlikteri, Azyq-túlik qaýipsizdigi jónindegi ıslam uıymy (AQIU) ókilderiniń qatysýymen QR Syrtqy ister mınıstrliginde AQIU 2-shi sessııasynyń nátıjesi týraly brıfıng ótti.
Atalǵan brıfıngte QR Aýyl sharýashylyǵy Vıse-mınıstri Gúlmıra Isaeva Uıymdy ınstıtýsıonalızasııalaýǵa baılanysty rásimder aıaqtalǵanyn málimdedi. Qazirgi tańda Islam Yntymaqtastyǵy Uıymyna múshe 56 elden 34 memleket AQIU quramyna kiredi.
Uıym qyzmetiniń odan ári strategııalyq kórinisi ázirlendi, basym mindetteri aıqyndaldy, sondaı-aq onyń odan ári ınstıtýsıonaldyq qalyptasýyna baılanysty qujattar ázirlendi.
AQIU Bas dırektory Erlan Baıdaýlet mańyzdy ınstıtýsıonaldyq máselelerdi qamtıtyn 16 qarar biraýyzdan qabyldanǵanyn atap ótti. AQIU-nyń bastamasy retinde IYU-ǵa múshe memleketterdiń azyq-túlik qaýipsizdigi týraly málimetter bazasyn qurý usynyldy.
Sonymen qatar, sessııa barysynda Uıymnyń bıýdjetti qarastyryldy, personaldy basqarýdyń prosedýralyq erejeleri, qarjylyq erejeleri men qaǵıdalary bekitildi, AQIU-nyń 5 jyldyq is-qımyl jospary, agroónerkásiptik keshendegi 3 jyldyq ınvestısııalyq baǵdarlama qabyldandy, AQIU-nyń jańa logotıpi bekitildi. AQIU-ǵa múshe 34 el úshin eseptelgen jarna shkalasy qabyldandy.
Bas Assambleıanyń 2-shi sessııasynda AQIU-ǵa múshe elderdiń resýrstary jáne qolda bar múmkindikteriniń arqasynda uıymnyń ishinde olardy sheshý múmkindigin eskere otyryp, AQIU-nyń kúsh-jigeri kópshilik úshin ortaq máselelerge arnaldy.
G.Isaevanyń aıtýynsha, jahandyq agro azyq-túlik saýdasy sheńberinde bıdaı azyq-túlik qaýipsizdigin qamtamasyz etýde, ásirese ımportqa táýeldi aımaqtarda mańyzdy ról atqarady.
Islam Yntymaqtastyq Uıymyna múshe elder jyl saıyn álemdik bıdaı ımportynyń shamamen 20-25%, al unnyń 70% quraıdy. Sarapshylar qaýymdastyǵynyń pikirinshe, 2050 jylǵa qaraı ıslam elderiniń halqy shamamen 3 mlrd. adamdy quraıdy, ıaǵnı jer sharyndaǵy barlyq halyqtyń úshten biri. Sondyqtan, ıslam elderinde halyq sanynyń qarqyndy ósýi men IYU-ǵa múshe elderdiń bıdaı men un ımportynyń tutyný dınamıkasy da sáıkesinshe ósedi.
Sondyqtan, qazaqstandyq delegasııa AQIU Bas assambleıasynyń barysynda múshe memleketterde óndirilgen astyq daqyldary ózara saýdasynyń kezeń-kezeńimen ósýin qamtamasyz etý úshin AQIU-ǵa múshe elderdiń qajettilikterin qanaǵattandyrýǵa serpin tıgizý maqsatynda Astyq Qoryn qurý prosesi týraly bastamany usyndy.
QR SIM-niń Erekshe tapsyrmalar jónindegi Elshisi Qaırat Lama Sharıf AQIU Bas Assambleıasy barysynda sońǵy qabyldaǵan qorytyndy qujatta qatysýshylar Qazaqstan Respýblıkasynyń Tuńǵysh Prezıdenti-Elbasy N.Nazarbaevtyń musylman álemindegi azyq-túlik qaýipsizdigin qamtamasyz etýdegi rólin joǵary baǵalaǵanyn atap ótti.
Bas Assambleıanyń qatysýshylary sonymen qatar, QR Tuńǵysh Prezıdenti - Elbasy N.Nazarbaevtyń bastamasymen qurylǵan, shtab-páteri Nur-Sultan qalasynda ornalasqan AQIU-nyń iske qosylýy IYU elderiniń agroónerkásiptik kesheniniń damýyna oń áserin tıgizip, jalpy musylman elderiniń azyq-túlik ınfraqurylymdy ıntegrasııalaý, ınvestısııalar men eksportty tartý úshin qolaıly jaǵdaı týǵyzatynyn atap ótti.