Bul kúnderi Pıreneı túbeginde ótip jatqan «Výelta» kópkúndiginiń 16 kezeńi «Astana»-nyń sapynda óner kórsetetin danııalyq veloshabandoz Iаkob Fýlsangtyń jeńisimen aıaqtaldy.
Pravııa men Pýerto de la Kýbılıa óńirleri aralyǵyn jalǵastyratyn 144,4 shaqyrymdyq qashyqtyqty Fýlsang 4 saǵat 01 mınýt jáne 22 sekýndta artqa tastady. Bul onyń «Grand-týr» sanatyna enetin jarystardaǵy alǵashqy jeńisi ekenin aıta ketý abzal. Danııalyq sportshy márege óziniń basty básekelesi – ulybrıtanııalyq Teo Geıgan Harttan («Team INEOS») 22 sekýnd buryn jetti. Úshinshi oryndy «Astananyń» taǵy bir ókili – ıspanııalyq Lýıs Leon Sanches ıelendi. Onyń kórsetkishi – 4 saǵat 02 mınýt jáne 02 sekýnd.
Jalpy esepte «Team Jumbo-Visma» klýbynyń múshesi, Slovenııanyń saıypqyrany Prımoj Roglıch jeke-dara kósh bastap tur. Ekinshi jáne úshinshi oryndy Ispanııanyń qos sańlaǵy – Alehandro Valverde («Movistar») men Tadeıa Pagachara («UAE-Team Emirates») enshileýde. Al «Astana»-nyń veloshabandozdary arasynda eń úzdik nátıje kolýmbııalyq Mıgel Anhel Lopeske tıesili. Ázirge ol tórtinshi oryndy ıemdenýde.