Elordanyń «Barys» hokkeı klýby Qurlyqtyq hokkeı lıgasy (QHL) aıasyndaǵy kezekti týr oıynyn taǵy da Almatyda ótkizip, qarsylasynan basym tústi. Bul joly Chelıabiniń «Traktor» komandasyn qabyldap, 2:0 esebimen jeńiske jetti.
«Almaty Arenaǵa» jınalǵan 12 myńnan asa jankúıer bul kezdesýde eki shaıbanyń kýási boldy. Komandalar alǵashqy kezeńde teń oınaǵanymen, kezdesýdiń ekinshi bóliginde «Barys» oıynshylary qarsylastyń qaqpasyna eki birdeı shaıba soqty. Matchtyń 22-mınýtynda Roman Starchenko mergendigimen kózge tússe, arada 2 mınýt ótkende Iıro Pakarınen esepti 2:0-ge jetkizdi. Osylaısha «Barys» kezdesýdiń ekinshi bóliginde-aq match taǵdyryn sheship tastady.
Bul jeńisinen keıin «Barys» QHL-diń týrnır kestesinde 10 upaımen 6-orynda keledi. Jerlesterimiz kelesi eki oıynyn syrt aıdynda ótkizedi. 25 qyrkúıekte Magnıtogorskiniń «Metallýrg» komandasyna qarsy oınasa, 27 qyrkúıekte Chelıabiniń «Traktor» klýbyna qonaqqa barady. Al 30 qyrkúıekten bastap «Barys» qalǵan kezdesýlerin «Barys Arenada» ótkizedi.