Qazaqstan Prezıdenti Qasym-Jomart Toqaev Nıý-Iork qalasyna BUU Bas Assambleıasynyń 74-shi sessııasyna qatysýǵa keldi dep habarlaıdy Habar24.
Q.Toqaev birneshe memleket basshysymen jáne kásipkerlermen kezdesedi dep josparlanǵan. Bas Assambleıanyń sessııasy qyrkúıektiń 23-25 arpalyǵynda ótedi.
Bas Assambleıa jıynyna 196 delegasııa, 100-ge jýyq memleket basshysy, BUU-ǵa múshe elderdiń 80-nen asa úkimet jáne syrtqy saıası vedomstvo basshylary qatysady dep kútiledi. Onyń jumysy aıasynda 630 túrli kezdesý ótkizý josparlanǵan.
Memleket basshysy bıylǵy "kedeılikti joıý úshin kópjaqty kúsh-jigerdi shoǵyrlandyrý, sapaly bilim berýdi, klımattyq is-qımyldar men jan-jaqty tásildi ilgeriletý" taqyrybynda ótetin Bas Assambleıanyń Jalpy debattarynda, sondaı-aq, turaqty damý máseleleri jónindegi joǵary deńgeıdegi saıası forýmda sóz sóıleıdi.
Sonymen qatar Qasym-Jomart Toqaevtyń BUU Bas hatshysy Antonıý Gýterrıshpen, birqatar eldiń memleket jáne úkimet basshylarymen, halyqaralyq uıymdardyń basshylarymen, amerıkalyq kásiptiń, transulttyq kompanııalardyń, AQSh saıası jáne saraptamalyq toptarynyń ókilderimen kezdesýleri josparlanǵan.