Qaraǵandy oblysyndaǵy Jáırem kentinde halyqqa qyzmet kórsetý ortalyǵynyń jańa ǵımaraty paıdalanýǵa berildi.
Nysannyń ashylý saltanatynda Qarajal qalasynyń ákimi Tilektes Dosaev, oblystyq HQKO bastyǵynyń orynbasary Gúlmıra Súleımenova jáne Qarajal qalasynyń qurmetti azamaty Aıtbaı Toqymbaev quttyqtaý sóz sóıledi.
Buǵan deıin jáıremdikter HQKO qyzmetin alý úshin 60 shaqyrym jerdegi Qarajal qalasyna barýǵa májbúr bolatyn.
Qazir 9 myń turǵyny bar kenttegi jańa ortalyqta jeti qyzmetker jumys isteıdi. Sondaı-aq jańa ǵımarattyń ishinde kóshi-qon polısııasy ýchaskesi de turǵyndarǵa qyzmet kórsete bastaıtyn bolady.