Aqparat jáne qoǵamdyq damý mınıstri Dáýren Abaev Qazaq kuresi ulttyq federasııasynyń prezıdenti bolyp saılandy dep habarlaıdy Qazaqparat.
«Búgin meniń Qazaq kuresi federasııasyna basshy bolyp kelgenime 6 jyl tolyp otyr. Bizdiń kezekti esep berý konferensııamyzda Dáýren Áskerbekuly Abaev Qazaq kuresi ulttyq federasııasynyń prezıdenti bolyp saılandy. Dáýren Abaevtyń Aqparat jáne qoǵamdyq damý mınıstri bola otyryp, al oǵan deıin Elbasy baspasóz qyzmetinde jumys isteı júrip bizdiń jobalarymyzdy iske asyrýǵa kóp kómegi tıgen», - dedi federasııanyń burynǵy basshysy Arman Shýraev Ortalyq kommýnıkasııalar qyzmetinde ótken baspasóz máslıhatynda.
Sondaı-aq ol jańa basshynyń qolastynda Qazaq kuresi ulttyq federasııasy órkendeı beretinine senim bildirdi.