Elordada Qazaqstan kýbogynyń fınaly ótti. Qyzylordanyń «Qaısar» fýtbol klýby munaıly ólkeden kelgen «Atyraý» komandasyn 2:1 esebimen jeńip, óz tarıhynda osymen ekinshi márte Qazaqstan kýbogyn jeńip aldy.
Bul eki komanda jaz ortasynda Qazaqstan kýbogynyń fınalyna shyqqan soń, chempıonattaǵy oıyndary álsirep ketti. Bálkim, osy kýbokty jeńip alýdy kózdese kerek. «Atyraý» fınalda osymen úshinshi jyl qatarynan oınady. Biraq kýbok taǵy da buıyrmady.
Jalpy, oıyn súreńsiz ótti. Eki komanda da oıyn bastala salysymen óte saq qımyldap, qorǵanysta júrip aldy. О́tkir shabýyldardy sırek kórdik. Ásirese birinshi taımda. Ekinshi kezeńde «Atyraý» sapynda oınaıtyn Polsha legıoneri Petr Gjelchak esep ashty. Matchtyń 83-mınýtynda «Qaısar» sapynda alańǵa shyqqan Igor Zenkovıch araǵa 4 mınýt salyp tarazy basyn teńestirip ketti. Al tóreshi qosqan qosymsha ýaqyttyń sońǵy sekýndynda Dýman Nárzildaev qaqpa toǵyzdyǵyn dál kózdep, komandasyna jeńis syılady. Osylaısha araǵa 20 jyl salyp, «Qaısar» Qazaqstan kýbogyna qol jetkizdi.
Aıta keteıik, oıynnyń 70 mınýtynda Asqat Taǵybergen («Qaısar), 93-mınýtta Jak Ngvem («Atyraý») alańnan qýyldy.
Daıyndaǵan Almas MANAP,
«Egemen Qazaqstan»