Senatta depýtattar Nurjan Nursıpatov pen Sársenbaı Eńsegenov AQSh Kongresi О́kilder palatasy apparatynyń qyzmetkerleri delegasııasymen kezdesti. Bul týraly Parlament palatasynyń baspasóz qyzmeti habarlady.
Kezdesý barysynda taraptar Qazaqstan men Amerıka qarym-qatynastarynyń aýqymdy máseleleri jóninde pikir almasty. N.Nursıpatovtyń aıtýynsha, AQSh-pen keńeıtilgen strategııalyq áriptestikti nyǵaıtý Qazaqstannyń negizgi syrtqy saıası basymdyqtarynyń biri bolyp tabylady.
Depýtattar delegasııany Qazaqstanda júzege asyp jatqan áleýmettik-ekonomıkalyq jáne saıası reformalar týraly habardar etip, Qazaqstan Prezıdenti Q.Toqaevtyń áleýmettik-ekonomıkalyq jáne turǵyn úı jónindegi mańyzdy máselelerdi sheshý, sot-quqyqtyq júıeni reformalaý, sybaılas jemqorlyqqa qarsy kúresti kúsheıtý, aımaqtar men azamattyq qoǵamdy damytý, jastardy ilgeriletý úshin jaǵdaı jasaý, azamattardyń qaryz júktemesin tómendetýge baǵyttalǵan on negizgi basymdyqtarynyń júzege asýy barysyna egjeı-tegjeıli toqtaldy.
Senator N.Nursıpatov parlamentaralyq qatynastardyń qarqyndy damýyna rızashylyq bildirdi jáne Senattyń zań shyǵarý qyzmeti týraly habardar etti.