Nazarbaev Zııatkerlik mektepteri IýNESKO-nyń Wenhui Award 2019 syıaqysyn jeńip aldy. Bul týraly NZM baspasóz qyzmeti habarlady.
«Nazarbaev Zııatkerlik mektepteri» derbes bilim berý uıymynyń tóraıymy Kúlásh Shámshıdınovaǵa Almatydaǵy klasterlik bıýro dırektory Krısta Pıkattyń qoly qoıylǵan quttyqtaý haty keldi.
"Qazaqstan, Qyrǵystan, Tájikistan jáne О́zbekstan boıynsha IýNESKO-nyń klasterlik bıýrosynyń atynan ózimniń «Nazarbaev Zııatkerlik mektepteri» derbes bilim berý uıymyna degen asa qurmetimdi bildirip, asqan qýanyshpen Sizderdiń uıymdaryńyzdyń IýNESKO Wenhui Award 2019 syıaqysyn jeńip alǵandaryńyzdy habarlaımyn", – delingen Krısta Pıkattyń hatynda.
NIS IýNESKO-nyń bilim salasyndaǵy syıaqysyn ıelengen Qazaqstannyń birinshi ókili boldy. Wenhui Award ýnıversıtet pen mektep arasyndaǵy «Bilim–2030» jobasyn ilgeriletý jolyndaǵy seriktestikti damytýǵa baǵyttalǵan.
IýNESKO syıaqysy qazaqstandyq ınnovasııalyq mektepterge sapaly bilim men ómir boıy bilim alýǵa yqpaldasatyn ýnıversıtetter men mektepter arasyndaǵy tabysty seriktestik úshin, balalar men jastardy ómirge, jumysqa jáne jahandyq azamattyqqa beıimdeý jolyndaǵy eńbek úshin beriledi.
Fınaldyq kezeńniń nomınanttarynyń ishinde Avstralııa, Qytaı, Malaızııa jáne Shrı-Lanka elderiniń bedeldi ýnıversıtetteri boldy.