17-18qazan kúnderi Almatyda Túrki álemi derekti fılmderi IV Halyqaralyq festıvaliniń qazaqstandyq baǵdarlamasy ótti. Is-sharany T.Júrgenov atyndaǵy Qazaq ulttyq óner akademııasynyń qoldaýymen Túrki álemi jýrnalısteri Federasııasy men ál-Farabı atyndaǵy Qazaq ulttyq ýnıversıteti uıymdastyrdy.
Qazan aıynyń basynda Ystambulda ashylǵan kınofestıval bıyl toǵyz qatysýshy eldiń jetekshi seriktes-ýnıversıtetterinde ótýde. Kınofestıvaldiń túrki elderi úshin qoǵamdyq jáne mádenı mańyzy asa zor. Oǵan Túrkııa, Qazaqstan, Túrkimenstan, Bosnııa jáne Gersegovına, Qyrǵyzstan, Ázirbaıjan, О́zbekstan, Vengrııa, Makedonııa, Kıpr elderiniń úzdik jumystary usynyldy. Fılmder áleýmettik, mádenı, rýhanı jáne qoǵamdyq mańyzdy taqyryptar men jastar tárbıesin qamtyǵan.
«Keremet» stýdentterge qyzmet kórsetý ortalyǵynyń kınoteatrynda ashylǵan derekti fılmder kórsetilimine Túrki álemi jýrnalıster federasııasynyń prezıdenti Menderes Demır jáne basqa da sheteldik qurmetti qonaqtar, sondaı-aq kınodokýmentalıstter men fılm avtorlary, qoǵam men mass-medıa ókilderi, joǵary oqý oryndarynyń stýdentteri qatysty. Kınofestıvaldiń ashylýynda kınematograftyń ańyzyna aınalǵan, túrki áleminiń tanymal akteri men rejısseri Asanáli Áshimovke arnaıy marapat tapsyryldy.