2019 jyldyń 9 aıynda qalada órt shyqpaǵanyna qaramastan 42 adam ýly gazben ýlandy. Zardap shekkenderdiń 26-y kámeletke tolmaǵan bala. Bul týraly Nur-Sultan qalasy ákimdiginiń baspasóz qyzmeti habarlady.
Elordalyq TJ departamentiniń qyzmetkerleri barlyq azamattardan órt qaýipsizdigi erejelerin asa joǵary yntamen saqtaý qajettigin eskertedi.
Qutqarýshylar ár kún saıyn jadynamalar tarata júrip, reıdter men aralaýlar ótkizedi. Olardyń barysynda ár adam bilýge tıis qaýipsizdik erejelerin, ýly gazdan zardap shegýshige kórsetilýi tıis alǵashqy kómek týraly jáne jylytý peshterin durys qoldanýdy únemi eskertýde. Alaıda jasalǵan eskertýlerge qaramastan, azamattar órt qaýipsizdigin saqtaı bermeıdi. Máselen, aǵymdaǵy jyldyń 9 aıynda ýly gazben ýlanýdan órt qaýipsizdigi talaptaryn buzý saldarynan 42 adam jaraqat aldy, onyń ishinde 26 bala bar.
Ýlanýdyń sebebi, negizinen, jylytý peshiniń aqaýlyǵy bolyp tabylady. Aǵymdaǵy aıda TJD qyzmetkerleri 44 myńnan astam turǵyn úıdi aralap, 76 988 adamdy qamtyǵan, halyqpen 224 jınalys ótkizdi.
Halyqtyń áleýmettik osal toptarynyń úılerine 1 129 datchıkter ornatyldy.
Jylytý maýsymynyń bastalýyna oraı, qutqarýshylar ýly gaz óte qaýipti jáne tez ári bilinbeı áreket etedi, sondyqtan adam ómiri men densaýlyǵy istelgen sharalardyń jyldamdyǵyna baılanysty eken eske salady.
Nur-Sultan qalasy TJD qarapaıym órt qaýipsizdik erejesin saqtaýdy suraıdy:
-pesh jaǵý kezeńi aldynda peshterdi jóndeý qajet, murjalaryn bir aıda kem degende bir ret kúıeden tazalap otyryńyzdar;
-maıly jáne gazdy turmys quraldaryn, tas jáne aǵash peshterin tekserý úshin jyl saıyn arnaıy ázirlikten ótken sheberlerdi shaqyrtyńyzdar;
-órt bolǵan jaǵdaıda «101» qyzmetine telefon shalý kerek.