Halyqaralyq áıelder kúnine oraı, Ulttyq ulannyń áskerı qyzmetshileri qala turǵyndaryn merekemen quttyqtady. Merekelik aksııa barysynda gvardııa qyzmetkerleri qalanyń kóshelerinde áıelderge gúlder tabys etip, jyly lebizderin jetkizdi, dep habarlaıdy Egemen.kz.
Merekelik sharanyń negizgi maqsaty – áıelderge qurmet kórsetý, olardyń qoǵamdaǵy mańyzdy rólin aıqyndaý jáne merekelik kóńil-kúı syılaý boldy. Gvardııashylar analardy, ájelerdi, qyz-kelinshekterdi quttyqtap, olarǵa tek jaqsylyq tilep, qýanysh syılady.
Kútpegen merekelik quttyqtaý qala turǵyndaryna erekshe áser etti. Áıelder ulandyqtarǵa olardyń kóńil bólýi men osyndaı jyly jáne júrekjardy quttyqtaýy úshin alǵystaryn bildirdi.
Merekelik shara qala turǵyndaryna jaqsy kóńil-kúı syılap, alǵashqy kóktem merekesiniń erekshe atmosferasyn odan ári aıqyndady.
Shara sońynda Ulttyq ulan qyzmetkerleri qala turǵyndaryn taǵy bir ret Halyqaralyq áıelder kúnimen quttyqtap, barlyq áıelderge myqty densaýlyq, otbasy baqyty jáne tabys tiledi.
Prezıdent áıelder qaýymyn halyqaralyq merekemen quttyqtady