Baıanaýyldaǵy taý-shańǵy kesheni byltyr da qarsyz qaldy. Bıylǵy aýa-raıy qalaı bolar eken degen oımen oblys ákimi Bolat Baqaýov ta keshenge baryp qaıtty.
– Jańa maýsymǵa daıynbyz. Qardyń jaýǵanyn ǵana kútip otyrmyz. Taýdyń joǵary bóliginde qar toqtatý jumystary qolǵa alyndy. Ashana,qurylǵylardy jalǵa beretin oryn-jaılar, shańǵy trassalary qalpyna keltirildi, – deıdi oblystyq Týrızm basqarmasynyń basshysy Marat Aıdashev.
Sonymen qatar, Myrzashoqyda balalarǵa jáne shańǵy tebýdi endi bastaǵandarǵa uzyndyǵy 300-400 metrlik jańa trassa ázirlengen. Taýǵa jyldam shyǵý úshin býgel ornatylǵan.
Taý-shańǵy kesheni byltyr ashylǵan-dy. Taý etegindegi qurylys barysyna, arnaıy qurylǵylar alýǵa qyrýar qarajat jumsalǵany anyq.
Tabıǵattyń qubylysyna amalyń bar ma?! О́kinishke oraı, syrǵanaq taý shańǵy jobasyn salǵandar - Myrzashoqy basyna qardyń turmaıtynyn, jel ushyryp ákete beretinin, nysannyń tıimdi-tıimsizin áýelden eskermegen eken.