Múgedektigi bar adamdar 2020 jylǵy 1 qańtardan bastap tehnıkalyq ońaltý quraldarynyń 55 túriniń (budan ári – TOQ) 24-ine jáne memlekettik mekemelerde arnaıy áleýmettik qyzmetterge tapsyrys bere alady. TOQ-nyń qalǵan 31 túri 2020 jylǵy shildege deıin kezeń-kezeńimen engiziledi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Múgedektektigi bar adamdardy ońaltý quraldarymen qamtamasyz etý protezdik-ortopedııalyq, dybystyq tehnıkalyq, tıflotehnıkalyq jáne gıgıenalyq quraldarmen, sondaı-aq múgedekter arbalaryn berýdi qamtıdy. Arnaýly áleýmettik qyzmetterge jeke kómekshilerdiń, ymdaý tili mamandarynyń jáne sanatorıılerdiń qyzmetteri jatady.
Búgingi kúni TOQ jáne joǵaryda atalǵan qyzmetter memlekettik satyp alý arqyly usynylady. Bul prosedýralardy júrgizýdiń uzaqtyǵyna baılanysty qyzmetter alýǵa múgedektik kúninen bastap 8 aıǵa deıin sozylýy múmkin. Múgedektigi bar adamdar tender júıesi olarǵa múldem sáıkes kelmeıtindigin aıtady. Jyl saıyn qyzmet kórsetý sapasy men medısınalyq qurylǵylardyń nasharlaýyna shaǵymdanyp jatady.
Áleýmettik qyzmet kórsetý júıesin jańǵyrtý, qyzmetterdiń sapasy men qoljetimdiligin arttyrý maqsatynda Eńbek jáne halyqty áleýmettik qorǵaý mınıstrligi 2020 jylǵy 1 qańtardan bastap eldiń búkil aýmaq boıynsha áleýmettik qyzmetter portalyn engizýge nıetti. Bul TOQ jáne arnaýly áleýmettik qyzmetterdi usynýǵa arnalǵan bıznes-prosesterdiń ýaqytyn olardy proaktıvti format arqyly taǵaıyndaýdy 8 aıdan 1-2 aptaǵa deıin qysqartýǵa múmkindik beredi. Sondaı-aq portal qyzmetter men ońaltý quraldaryn alýshylardyń jeke qajettilikterine sáıkes kelmeý máselelerin sheshedi, óıtkeni múgedektigi bar adamdar taýar men qyzmettiń qajetti túrin óz betinshe tańdaı alady. Sonymen qatar múgedektigi bar adamdardyń ótinishterine sáıkes tehnıkalyq jabdyqtar men ońaltý qyzmetteriniń belgilengen qunyn óteý mehanızmi kózdelgen. Ol portalda qymbat taýarlar men qyzmetterdi tańdaǵan kezde qosymsha tólemderdi iske asyrý fýnksııasy qoljetimdi bolady degen sóz.
Sonymen qatar sertıfıkattalǵan mamandardyń keń aýqymy qol jetimdi bolyp, medısınalyq-áleýmettik mekemelerdiń (budan ári – MÁM) biryńǵaı tiziliminde barlyq MÁM jabdyqtalýy men jumys júktemesi eskeriletin bolady.
Portaldy engizý ońaltý quraldary men qyzmetterine teń qoljetimdilikti, úıden shyqpaı-aq «bir tereze» arqyly ýaqtyly áleýmettik kómek kórsetýdi, sondaı-aq jeke qajettilikterdi, jetkizýshiler týraly aqparatty, áleýmettik qyzmetkerler men mamandar týraly málimetterdi esepke alýdy qamtamasyz etedi. Bul adal básekelestikti arttyrýǵa múmkindik berip, áleýetti ónim berýshilerdiń ońaltý quraldary men qyzmetterin iske asyrýǵa qatysýynyń ashyqtyǵyn qamtamasyz etedi.
Buǵan deıin habarlanǵandaı, portal pılottyq rejımde iske qosylyp, Aqtóbe qalasynda sátti júzege asyrylýda. Oǵan birneshe medısınalyq-áleýmettik mekeme qosyldy.
«Áleýmettik qyzmet portalynyń nátıjesinde biz balamyzdy múmkindigi shekteýli balalarǵa arnalǵan saýyqtyrý stasıonaryna ornalastyra aldyq. Portal óte yńǵaıly eken: biz ótinim berip, oǵan ESQ arqyly qol qoıdyq. Sonymen qatar ýaqytymyz únemdeldi», – dedi qyzmet alýshy Júketaev Ǵabıt.
Esterińizge sala keteıik, «Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar aıasynda kózdelgen.
Resýrsty Qazaqstannyń barlyq qalalarynyń turǵyndary paıdalana alady dep josparlanýda, ol 400 myńnan astam paıdalanýshy men 200 myń jetkizýshini qamtıdy.
Búgingi kúni «Mobıldi azamattar bazasy», «Áleýmettik tizilim», «Biryńǵaı derekter qoımasy», «Qazposhta» AQ, «Eńbek sharttarynyń biryńǵaı júıesi», «Jyljymaly múlik tirkelimi» aqparattyq júıelerin ıntegrasııalaý boıynsha jumys júrgizilýde.