Memleket basshysy Qasym-Jomart Toqaev eki kúndik jumys saparymen Almatyǵa keldi. Sapar barysynda Prezıdent Almatynyń áleýmettik-ekonomıkalyq damýyna qatysty jıyn ótkizip, birqatar nysandardy aralaıdy dep kútilýde. Bul týraly Prezıdenttiń baspasóz hatshysy Berik Ýálı óziniń facebook paraqshasynda jazdy.
Prezıdent búgin jańa Almaty baǵdarlamasynyń tusaýkeserimen tanysyp, «Balalar úıiniń» tárbıelenýshilerine páter kiltin tabys etip, Almaty qalasynyń áleýmettik-ekonomıkalyq damýyna arnalǵan keńeske qatysady.
Sonymen qatar «Tech Carden» ınnovasııalyq klasteriniń jumysymen, ınvestısııa úıiniń tynys-tirshiligimen tanysady. Sondaı-aq Ál-Farabı atyndaǵy Qazaq ulttyq ýnıversıtetine baryp, «Keremet» stýdentterge qyzmet kórsetý ortalyǵyn aralamaq.
Jumys saparynyń ekinshi kúni Prezıdent Almatydaǵy rezıdensııasynda birqatar kezdesýler ótkizedi.