Qasym-Jomart Toqaev Almaty ákimine qaladaǵy áli de tolyq sheshimin taba almaı otyrǵan ózekti máselelerdi shuǵyl túrde retteýdi tapsyrdy.
Bul rette ásirese bilim men densaýlyq salalaryndaǵy túrli túıtkilderdiń túıinin tarqatý mańyzdy. Ásirese, apatty jaǵdaıdaǵy mektepterdi anyqtap retke keltirý, balabaqsha máselesin jolǵa qoıý, shahardaǵy kólik keptelegi men ekologııalyq ahýaldy retteý kezek kúttirmeı sheshimin tabýy qajet.
Kún sanap aýmaǵy ósip jatqan alyp megapolıstegi mádenı nysandardyń sany men sapasyn arttyrý máselesine kóńil bólý kerektigin aıtqan Prezıdent qaladaǵy Alataý, Naýryzbaı aýdandaryndaǵy halyqtyń ınfraqurylymdyq qajettilikterin qanaǵattandyrýdy tapsyrdy.
Shaharda áli de jaryqtandyrylmaǵan kósheler bar ekenin, aryq júıesin jetildirý isin jiti qolǵa alý kerektigin tilge tıek etken Memleket basshysy basqa da birqatar naqty tapsyrmalar berdi.