«Aıka» fılmi 2019 jylǵy 30 qazan men 10 qarasha aralyǵynda Barselonada ótetin Azııalyq kınonyń bedeldi ıspan kınofestıvalin ashady. Bul týraly Syrtqy ister mınıstrliginiń baspasóz qyzmeti habarlady.
Is-sharanyń ashylýyna fılmniń basty keıipkeri Samal Eslıamova qatysady. VII kınofestıval aıasynda álemniń 25 elinen 131 fılm jáne 25 qysqa metrajdy fılm usynylady.
Sondaı-aq Barselonadaǵy Casa Asia (Azııa Úıi) men QR Konsýldyǵynyń qoldaýymen festıvalǵa 5 qazaqstandyq kartına qatysady: Jańabek Jetirýovtyń «Shyńyraý», Aldııar Baıraqımovtyń «Granı», Tólegen Baıtýkenovtyń «Satash», Qýat Ahmetovtyń «Arýaq», Ázız Zaırov pen Muhamed Mamyrbekov «Qyz jáne teńiz» atty kórsetilimderi usynylatyn bolady.
Kınofestıval uıymdastyrýshylarynyń aıtýynsha, kartınalardyń basym kópshiligi (100-den astam) - qarapaıym adamdardyń kúndelikti ómirin, áleýmettik qaqtyǵystar men problemalardy kórsetetin dramadan trıllerge deıingi kınonyń túrli janrlaryndaǵy 2018 jáne 2019 jyldardaǵy kórkem fılmder.