Fýtboldan áıelder arasyndaǵy Chempıondar lıgasynyń 1/8 fınal kezeńiniń qarymta matchtary ótti. Qazaqstanyń «BIIK-Qazyǵurt» klýby Germanııaǵa qonaqqa baryp, Mıýnhende jergilikti «Bavarııa» komandasynan jeńilip qaldy.
Kezdesýde «Bavarııa» fýtbolshylary 2:0 esebimen jeńiske jetti. Qos goldy da germanııalyq komandanyń qorǵaýshysy Karına Vennınger soqty. «BIIK-Qazyǵurt» pen «Bavarııa» arasyndaǵy Qazaqstanda ótken alǵashqy oıynda germanııalyq qyzdar 0:5 esebimen basym túsken edi. Eki oıynnyń qorytyndysy boıynsha 7:0 esebimen jeńiske jetken «Bavarııa» shırek fınalǵa joldama aldy.
Aıta keteıik, irikteý kezeńiniń úsh oıynynda jeńiske jetken «BIIK-Qazyǵurt» toptan birinshi orynmen shyǵyp, týrnırdiń 1/16 fınalynda Belgııanyń «Anderleht» komandasyn eki oıynnyń qorytyndysy boıynsha 3:1 esebimen jeńgen bolatyn.