7 qarashada Ombyda Toqaev pen Pýtın kezdesip, kelisimderge qol qoıady jáne tehnologııa kórmesin aralaıdy. Bul týraly Aqordanyń baspasóz qyzmeti habarlady.
«Bıylǵy 7 qarashada Memleket basshysy Qasym-Jomart Toqaev Omby qalasynda ótetin «Shekara mańy yntymaqtastyǵyn damytýdyń ózekti máseleleri» atty Qazaqstan men Reseı arasyndaǵy XVI óńiraralyq yntymaqtastyq forýmyna qatysady. Forým aıasynda Reseı Federasııasynyń Prezıdenti Vladımır Pýtınmen kezdesedi jáne birqatar qujatqa qol qoıylady, sondaı-aq joǵary tehnologııaǵa arnalǵan kórmeni aralap kóredi dep josparlanýda», delingen habarlamada.