Qaraǵandy oblysyndaǵy Shahtınsk qalasynda «Qazaqstannyń 100 jańa esimi» jobasynyń jeńimpazy, sporttyq akrobatıkadan álem chempıony Nıkıta Amoskın jastarmen kezdesti. Sondaı-aq bul kezdesýge sportshynyń anasy men ájesi jáne jattyqtyrýshysy Botagóz Baıbaqýsheva da qatysty.
Suraq-jaýap pishiminde ótken kezdesý barysynda álem chempıony óziniń aldaǵy josparlary týraly aıtty. Sonymen birge ol jastardy qıyndyqtardan qoryqpaýǵa, armanǵa umtylýǵa jáne únemi damý úshin erinbeı eńbek etýge shaqyrdy.
Nıkıta Amoskın Qaraǵandynyń irgesindegi Novodolınsk aýylynda dúnıege kelgen. Sportpen erte jasynan bastap aınalysqan ol áýelde grek-rım kúresiniń úıirmesine barǵan eken.
Tynbaı ter tógýiniń arqasynda ol sporttyq akrobatıkadan halyqaralyq dárejedegi sport sheberi ataǵyn ıelendi. Eki dúrkin Azııa chempıony, 2018 jyly álem chempıony atandy. Qazirgi tańda ol QarMÝ-dyń dene tárbıesi jáne sport fakýltetinde bilim alyp júr.
Kezdesý barysynda Shahtınsk qalasy ákiminiń orynbasary Qaıyrjan Tileýbergenov chempıonǵa alǵys hat pen estelik syılyq tabys etti.
Qaraǵandy oblysy