Jeteli jeti joba

Onyń aldynda jańa mar­shrýttardyń jelisin ja­saq­taý úshin stýdentter men ma­­gıstranttar arasynda kon­­­kýrs uıymdastyrylǵan. Saıys barysynda ár komanda kópshilikke keńinen tanyla qoımaǵan, alaıda týrıstik áleýeti joǵary nysandardyń ózindik erek­sheligin tanys­tyryp, bıznes-josparyn qorǵady. Qazylar alqasy ár­­bir joba­nyń máni men ma­ńy­zyn sarapqa sala kele, Qa­zaq fılologııasy jáne álem tilderi fakýltetiniń «Je­tisý» tobynyń «Je­tisý – jer ján­naty» taqy­ry­byn­daǵy jobasy úzdik dep tanylǵan bolatyn. Jobada «Jeti qa­zyna» qusbegiler mu­ra­jaıy, «Oırantóbe» tarıhı orny, «Ba­rtoǵaı» kóli, Sharyn shat­qalyndaǵy «Qa­maldar ańǵary», «Ja­byr», «Temirlik Shyń­ǵyshan beı­nesi», «Qy­zyl­saı» sııaq­ty tarıhı, ta­bıǵı erek­she­ligi bar nysandar qaras­tyrylǵan.

Osylaısha «Jetisý» to­bynyń músheleri «Qus­be­gilik – qazaqtyń tól óne­ri» ekspedısııasynyń qu­ramynda Almaty oblysy Eńbekshiqazaq aýdanyndaǵy «Jeti qazyna» qusbegiler mu­­rajaıyna arnaıy bardy. 2003 jyly ashylǵan murajaı saıatshylyq ónerin órkendetip otyr. Bú­ginde munda 11 qusbegi men qyran búrkitter bar.

Búrkitten bólek munda qazaqtyń taza tuqymdy tazysy men tóbetteri, saıat­shy­lyqqa qajetti qural-jab­dyqtar, balbal tastar bar. Jádigerlerdiń barlyǵy jer­gilikti turǵyndardyń kómegimen jınaqtalǵan.

Sonymen qatar ekspedısııa aıasynda Sharyn shatqalyna da arnaıy sapar uıymdastyryldy. Geo­grafııa jáne týrızm kafe­drasynyń meńgerýshisi Shaı­hıslam Laıs­hanovtyń aıtýyn­sha, «Alqaptar ǵımara­ty» dep atalatyn Sharyn shat­qaly Almaty qalasy­nan 195 shaqyrym qashyqtyqta ornalasqan.

Stýdentter saıahattyń óte qyzyqty ári áserli bol­ǵa­nyn aıtady. Olar osyndaı saıahat arqyly tabıǵı, tarıhı nysandardy kópshilikke kórsetetin jańa týrıstik mar­shrýttardy qurastyrmaq.

ALMATY