Stend atýdan Dohada (Qatar) ótip jatqan lısenzııalyq Azııa chempıonatynda «trap» jarysynyń qyzdar arasyndaǵy básekesi aıaqtaldy. Jarys nátıjesi boıynsha otandasymyz Sársenkúl Rysbekova Olımpıada joldamasyn jeńip aldy, dep habarlaıdy UOK baspasóz qyzmeti.
Ol Azııa chempıonatynda ekinshi oryn alyp, kúmis medal jeńip aldy. Osylaısha qandasymyz Tokıoda ótetin Olımpııa oıyndarynyń lısenzııasyna qol jetkizdi. Olımpıadaǵa irikteý erejesi boıynsha Azııa chempıonatynda júldeli úsh orynǵa ıe bolǵan sportshylarǵa joldama taratylady.
Qurlyq dodasynda altyn medaldy lıvandyq Reı Bassıl enshilese, qola medaldy taıpeılik Iý Van Lıý jeńip aldy. Aıta ketelik, bul Qazaqstan komandasynyń qorjynyndaǵy 22-shi joldama. Budan bólek, Qazaqstan komandalyq synda Azııa chempıony atandy.