Parlament Senatynyń Tóraǵasy Darıǵa Nazarbaeva bastaǵan Qazaqstan Respýblıkasy Parlamenti Senatynyń delegasııasy Armenııa Respýblıkasy Ulttyq Jınalysynyń Tóraǵasy Ararat Mırzoıannyń shaqyrýymen Armenııa Respýblıkasyna resmı saparmen bardy. Bul týraly Parlament Senatynyń baspasóz qyzmeti habarlady.
«Qazaqstan Parlamenti Senaty Tóraǵasynyń sapary baǵdarlamasynda Armenııa Respýblıkasy Ulttyq Jınalysynyń Tóraǵasy Ararat Mırzoıanmen, Premer-Mınıstr Nıkol Pashınıanmen jáne Prezıdent Armen Sarkısıanmen kezdesýleri bar.
Júzdesýlerde Qazaqstan men Armenııa arasyndaǵy ekijaqty yntymaqtastyq máselelerin, sondaı-aq parlamentaralyq qatynastardy damytýdyń keleshegin talqylaý josparlanyp otyr», delingen habarlamada.