«Azamattarǵa arnalǵan úkimet» memlekettik korporasııasy Mańǵystaý oblysy boıynsha fılıaly qyzmetkerleri «Qan tapsyryp, ómir súrýge úmit syıla» atty qaıyrymdylyq aksııasyn uıymdastyrdy. Aksııanyń basty maqsaty - donorlyq qanǵa muqtaj jandarǵa kómektesý.
- Donorlyq qan tapsyrý – jaqsylyq jasaýdyń eń ońaı joly. Sizden kóp ýaqyt pen kúshti talap etpeıtin, biraq ómir súrýge múmkindik beretin – eń mańyzdy syılyq. Biz qan tapsyrý arqyly bireýdiń ómirin saqtap qalatynymyzǵa jáne basqalarǵa úlgi bolamyz degen senimdemiz, dedi «Azamattarǵa arnalǵan úkimet» memlekettik korporasııasy Mańǵystaý oblysy boıynsha fılıalynyń PR-menedjeri Baǵıla Jarlanova.
Korporasııa qyzmetkerleri jyl saıyn osyndaı qaıyrylymdylyq aksııalaryn ótkizedi. Oǵan qosa, qyzmetkerler arasynda turaqty donorlar bar.
Aıta ketetin jaǵdaı, qan donorlarynyń árbir toby úshin dárigerdiń usynysy boıynsha aldyn ala daıyndyq júrgiziledi, sondaı-aq buryn aýyrǵan aýrýlar boıynsha zerthanalyq taldaýlar men dárigerdiń keńesteri oryndalýy mindetti. Medısınalyq tekserýden ótken árbir donor 350-den 450 ml-ge deıin qan tapsyra alady.