Aqtaý qalasy Polısııa basqarmasy bastyǵynyń birinshi orynbasary polısııa podpolkovnıgi Qaldymurad Aıǵaraqovtyń jáne Aqtaý qalasynyń ýchaskelik polısııa ınspektorlarynyń qatysýmen shaǵynaýdan turǵyndary úshin «Aýlada qabyldaý», «Jolda qabyldaý» aksııasy uıymdastyryldy. Bul týraly Mańǵystaý oblystyq Polısııa departamenti baspasóz qyzmeti habarlady.
Shara barysynda turǵyndardyń aryz-shaǵymdaryn, usynystaryn tyńdap, sheshý joldary qarastyrylyp, birqatar keńes berildi. Turǵyndardyń basym kópshiligi aýlada beınekamera ornatý joldary, kólikterdi durys turaqqa ornalastyrý zańdylyǵy, balalar qaýipsizdigin qamtamasyz etýdegi máseleler jáne jaıaý júrginshige arnalǵan jaıaý júrginshiler jolyn salý, aýladaǵy qańǵybas ıtterden saqtaný jóninde ınspektorlarmen suraq-jaýap almasty.
Turǵyndar polısııanyń jumysyn jaqsartý maqsatyna qosar usynys anketasyn belsene toltyryp, bul sharanyń tıimdiligin aıtyp, Aqtaý qalalyq Polısııa basqarmasynyń birinshi orynbasaryna alǵystaryn bildirdi.Polısııa departamenti men Aqtaý qalasy PB front- ofısinde suraǵyna jaýap izdegen birneshe turǵyn Mańǵystaý oblysy PD basshysynyń mindetin atqarýshy polısııa polkovnıgi Halmýradov Amangeldi Haıyrmýhamedulymen tikeleı kezdesip, turǵyndardyń birqatary óz máselesin sheshýge tıimdi jol tapty.
Jańa tehnologııanyń damýymen Departamenttiń arnaıy tikeleı áleýmettik jelilerinen de kóptegen suraqtar túsip, júginýshilerge jaýaptar joldandy.
Aksııa Aqtaý qalasyndaǵy shaǵynaýdandarda jalǵasýda.