«Sıfrly armııa – 2020» baǵdarlamasyn iske asyrý jáne zamanaýı tehnologııalardy qoldana otyra áskerdi tıimdi basqarý sheńberinde «Batys» óńirlik qolbasshylyǵynyń áskerı bólimderinde derekter bazasyn esepke alý boıynsha baǵdarlamalarǵa oqytý júrgizilýde. Bul týraly «Batys» óńirlik qolbasshylyǵy Basqarmasynyń baspasóz qyzmetinen kapıtan Rýstem Igısınov habarlady.
Bes kúndik kýrstardyń barysynda qyzmet bastyqtary, qoıma bastyqtary men materıaldyq jaýapty áskerı qyzmetshilermen sabaqtar uıymdastyryldy. Olar «Qazaqstan GIS Sentr» aksıonerlik qoǵamymen qurastyrylǵan baǵdarlamalyq jasaqtamalarda qarý-jaraqtyń, áskerı tehnıkanyń derekterin, oq-dárilerdi esepke alý boıynsha oqytýdan ótti.
- Áskerı tehnıka men resýrstar esebiniń avtomatızasııalanýy áskerı bólimderdiń jumysyn anaǵurlym ońtaılandyratyn bolady. Sonymen qosa, ol bólim komandırlerine qaramaǵyndaǵy qyzmetterdiń jaǵdaıyn naqty baǵalap, qolyndaǵy ózekti jáne dál aqparattardyń arqasynda durys sheshimderdi qabyldaýǵa septigin tıgizedi, dep sanaıdy «Batys» óńirlik qolbasshylyǵynyń áskerleri qolbasshysy polkovnık Nurlan Aldııarov.
Qazaqstan Qarýly Kúshterinde sıfrly tehnologııalardyń engizilýi Qazaqstan Respýblıkasynyń Prezıdenti – Joǵarǵy Bas qolbasshynyń jalpymemlekettik «Sıfrly Qazaqstan» baǵdarlamasyna sáıkes jospar boıynsha engizilip kele jatqanyn atap ketken jón.