Kezdesý barysynda geologııa salasyn damytýdyń, salalyq mınıstrlik qurylǵannan keıingi qolǵa alynǵan reformalardyń oryndalý barysynyń, sonymen qatar, jer qoınaýyn zertteý baǵytynda qabyldanǵan memlekettik jáne zańnamalyq qoldaý sharalarynyń ózekti máseleleri talqylandy. Bul týraly Aqordanyń baspasóz qyzmeti habarlady.
Qasym-Jomart Toqaevqa Jer qoınaýyn paıdalaný Kodeksine ózgertýler engizý jóninde usynys berildi. Atalǵan usynys geologııalyq zertteý júrgizý jáne jer qoınaýyn tıimdi paıdalaný isinde memlekettiń rólin kúsheıtedi.
Prezıdent atalǵan salany odan ári damytýdyń, jańa ken oryndaryn ashý úshin zamanaýı, ǵylymı ádisterdi paıdalanýdyń jáne mıneraldy-shıkizat bazasynyń qoryn arttyrýdyń erekshe mańyzdylyǵyn atap aıtty.