О́tken aptada fýtzaldan ÝEFA Chempıondar lıgasynyń Elıtalyq kezeńiniń toptyq oıyndary aıaqtaldy. «S» tobyndaǵy básekeler Almatydaǵy Balýan Sholaq atyndaǵy sport saraıynda, al «V» tobyndaǵy básekeler Reseıdiń Túmen qalasynda ótti.
«V» tobynda synǵa túsken Almatynyń «Qaırat» klýby alǵashqy týrda Ispanııanyń «Mýrsııa El-Poso» komandasyna 1:4 esebimen jol berdi. Ekinshi týrda Italııanyń «Pesaro» klýbymen kezdesip, 5:3 esebimen basym tústi. Sheshýshi týrda «Qaırat» Portýgalııanyń «Benfıkasyn» 3:2 esebimen jeńip turyp, sońǵy mınýttarda qaqpasyna úsh gol ótkizip aldy. Qorytyndy esep – 3:5. Osylaısha, «Qaırat» tórtinshi oryndy qanaǵat tutyp, «Tórttik fınaldan» tys qaldy.
Sondaı-aq «V» tobynda baq synaǵan Rýdnyıdyń «Aıat» klýby Reseıdiń Tıýmen qalasynda ótken úsh oıynda da jeńiliske ushyrap, týrnır kestesiniń sońǵy ornynda qalyp qoıdy. Birinshi oıynda jergilikti «Tıýmen» klýbynan 0:3, Portýgalııanyń «Sportınginen» 2:5 jáne Horvatııanyń «Novo Vrıeme» klýbynan 2:3 esebimen jeńilip qaldy.