Qazaqstannyń kópjaqty qurylymdarǵa múshe bolýyn qaýipsizdik pen ósip-órkendeýdiń tıimdi tetigi retinde qarastyramyz.
Qazaqstanda akkredıttelgen shet elderdiń dıplomatııalyq mıssııalarynyń basshylarymen kezdesýinde Prezıdent osylaı dedi.
«Bıyl men Birikken Ulttar Uıymy minberinen Qazaqstan Prezıdenti retinde alǵash ret sóz sóıledim. Bas hatshymen júzdesip, Qazaqstan men Ulttar Uıymy senimdi seriktes ekenin rastadyq. Osy jyldyń mamyr aıynda Qazaqstanda Halyqaralyq uıymdardyń jańa ǵımaratynyń ashylýy – sonyń aıqyn dáleli. Munda ǵalamdyq Uıymnyń 16 agenttigi jumys isteıdi. Endi osy ǵımaratta Birikken Ulttar Uıymynyń Ornyqty damý maqsattary jónindegi ortalyǵyn ashýdy usynamyz» dedi Memleket basshysy.
Oǵan Ortalyq Azııa elderine jáne Aýǵanstanǵa qoldaý kórsetý mandatyn berýge shaqyrdy.
Iаdrolyq qarýsyz álemge qol jetkizý Qazaqstannyń negizgi basymdyǵy retinde saqtalatynyn aıtqan Prezıdent, osy rette dúnıejúzilik qaýymdastyq múshelerin Iаdrolyq qarýdan azat álem qurý týraly jalpyǵa ortaq deklarasııany qoldaýǵa úndedi.