Qazaqstan Respýblıkasy Parlamenti Senatynyń Tóraǵasy, Jastar Kongresi Keńesiniń Tóraǵasy Darıǵa Nazarbaeva «ZHASPROJECT» jobasy aıasyndaǵy «Armanda! Usyn! Iske asyr!» atty úzdik tájirıbelerdiń respýblıkalyq forýmyna qatysty.
Jastar korpýsyn damytý jobasy 2017 jyldan beri iske asyp keledi jáne qoǵamǵa nátıjeli beıimdelýge qajetti ómirlik mańyzdy daǵdylardy ıgerý men damytýǵa jáne jumyspen tabysty qamtýǵa baǵyttalǵan.
Osy kezeńde elimizdiń túkpir-túkpirinde jastardyń 2 600 bastamasy qarjylandyryldy.
Forým aıasynda qatysýshylar óndirgen ónimderdiń kórmesi uıymdastyryldy. Darıǵa Nazarbaeva úzdik jumystarmen tanysyp, jas kásipkerlermen áńgime barysynda jobalardyń basym bóligi áleýmettik naqty máselelerdi sheshýge baǵyttalǵanyn erekshe atap ótti.
Forýmǵa qatysýshylar aldynda sóz alǵan Senat Tóraǵasy «ZHASPROJECT» jobasyna qoldaý bildirdi jáne áleýmettik baǵyttaǵy jas kásipkerlerdi qazirgi zamanǵy tehnologııalardy belsendi túrde meńgerýge jáne olardyń damý barysyn qadaǵalaýǵa shaqyrdy. «Alǵa qaraı búgin qadam jasamasaq, erteńgi kúni bes qadam artta qalamyz», dedi ol.
D.Nazarbaeva múmkindigi shekteýli jáne damýynda erekshelikteri bar jas azamattardy áleýmettik jáne ekonomıkalyq belsendi ómirge tartýdyń mańyzyn atap ótti. Senat Tóraǵasynyń aıtýynsha, qoǵam men memleket olarǵa kóbirek mán berip, qamqorlyq tanytýy tıis, sondaı-aq olardyń áleýmettenýi men jumyspen qamtylýy úshin barlyq jaǵdaıdy jasaýy qajet.