Aqordada Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti, dep habarlady Prezıdenttiń baspasóz qyzmeti.
Jıyndy ashqan Memlekettik hatshy «Bolashaq» baǵdarlamasynyń adam kapıtalyn damytý salasyndaǵy serpindi joba ekenin atap ótti.
Komıssııa otyrysynda Bilim jáne ǵylym mınıstri A.Aımaǵambetovtiń Shetelde kadrlar daıarlaý jónindegi respýblıkalyq komıssııanyń hattamalyq tapsyrmalarynyń oryndalýy týraly esebi tyńdaldy, sondaı-aq «Bolashaq» baǵdarlamasynyń iske asyrylýyna qatysty birqatar másele talqylandy.
Komıssııa sheshimimen magıstratýra men doktorantýrada bilim alý úshin 234 úmitkerge stıpendııa taǵaıyndaldy, sonymen qatar olar álemniń jetekshi ǵylymı jáne óndiristik uıymdaryna taǵylymdamaǵa jiberiledi.
Otyrys qorytyndysy boıynsha komıssııa «Bolashaq» halyqaralyq stıpendııasynyń tıimdiligi men ashyqtyǵyn arttyrý úshin birqatar naqty tapsyrma berdi. Ásirese ekonomıka salasyn damytýdyń perspektıvalary negizinde eńbek resýrsy balansyndaǵy ózgeristerdi eskerý jaıy aıtyldy.
Mysaly, 2020 jyldan bastap «Bolashaq» halyqaralyq stıpendııasyn iske asyrýdyń jańa tásilderi engiziletin bolady. Bul konkýrstyq irikteýdi júrgizý tetikterin jetildirýdi jáne avtomattandyrýdy, onyń kezeńderin qysqartýdy, Shetelde kadrlar daıarlaý jónindegi respýblıkalyq komıssııanyń jumysyn ońtaılandyrýdy, jumys organynyń jaýapkershiligin arttyrýdy kózdeıdi. Sonymen qatar stıpendıattardy oqytýǵa baılanysty barlyq akademııalyq úderister qosymsha retteledi.