Qazaqstan Respýblıkasynyń Prezıdenti Nursultan Nazarbaevtyń bıylǵy Qazaqstan halqyna arnaǵan «Áleýmettik-ekonomıkalyq jańǵyrtý – Qazaqstan damýynyń basty baǵyty» atty Joldaýyndaǵy on negizgi baǵyt – halyqty jumyspen qamtamasyz etý, qoljetimdi baspana, óńirlerdi damytý máselesi, halyqqa qyzmet kórsetý qyzmetiniń sapasyn arttyrý, quqyq qorǵaý jáne sot organdarynyń jumystaryn jańǵyrtý, sybaılas jemqorlyqpen kúresti kúsheıtý, adamı kapıtaldy damytý, zeınetaqy qorlarynyń jumystaryn júıege keltirý, údemeli ındýstrııalyq-ınnovasııalyq jobalardy júzege asyrý sııaqty ózekti máselelerdi sheshýdiń aıqyn joldaryn naqty kórsetýimen qundy.
Elbasynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasy osy basym baǵyttardy júzege asyrýǵa jańa bir serpin berdi. Osy tarıhı máni zor baǵdarlamalyq maqalada «Nur Otan» HDP aldyna da úlken mindetter qoıylyp otyr. Osy mindetter bir-birimen sabaqtasa kelip, elimizdiń ekonomıkasyn nyǵaıtýdyń, qazaqstandyqtardyń ál-aýqatyn arttyrýdyń tolǵaýy toqsan máselelerin sheshýge arnalǵan. Egemen elimizdiń órkendeýi, ál-aýqatynyń jaqsarýy, jastardyń jumyspen qamtamasyz etilýi, eńbek etip jatqan qarapaıym adamdardyń eńbeginiń baǵalanýy damyǵan elder qataryna qosylýǵa berik negiz qalaıtyn qadamdar ekeni sózsiz.
Elbasynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasy «Nur Otan» HDP Aqtóbe oblystyq fılıalynyń keńeıtilgen saıası keńesinde jan-jaqty talqylandy. Oblystyq fılıal tóraǵasy Balǵalı Ordabaevtyń aıtýynsha, 35 800-den astam múshesi bar barlyq 435 bastaýysh partııa uıymdarynda ashyq partııa jınalystary ótip, atalmysh baǵdarlamalyq maqala qyzý talqylanyp, keńinen qoldaý tapqan. Ol partııaǵa baǵdarlamany barlyq deńgeıdegi mekemeler men uıymdarda jan-jaqty túsinik jumystaryn júrgizý, olardyń oryndalýy men júzege asyrylýyn qatań baqylaýǵa alýǵa baılanysty jańa mindetter júktelgendigin jetkizdi.
– Baǵdarlamalyq maqaladaǵy tapsyrmalardy júzege asyrý maqsatynda barlyq deńgeıde úgit-nasıhat toptary jumys jasaýy tıis. Partııa músheleri men oblystyq jáne aýdandyq máslıhattyń depýtattary, mekeme men uıym basshylary halyqqa baǵdarlamalyq maqalanyń mańyzdylyǵyn túsindirýmen qatar, onyń júzege asyrylýyna qarapaıym halyqtyń atsalysýyna kóp kóńil bólýi kerek, – dep atap ótti fılıal tóraǵasy Balǵalı Ordabaev.
Qazaqstannyń jańa tarıhyndaǵy bul baǵdarlamalyq maqaladaǵy basqa da tapsyrmalarda qazaqstandyqtardyń jumysqa tartylýy, áleýmettik saladaǵy ulttyq zańdarǵa túgendeý júrgizý jáne áleýmettik oqytý men jańa jumysqa ornalasýǵa septigin tıgizetin onyń tıimdi júıesin jasaý, kásipkerlikti damytýǵa kómektesip, járdemdesý, eńbek resýrstarynyń jınaqylyǵy men utymdylyǵyn júzege asyrý, Qazaqstannyń ekonomıkalyq jaǵynan onyń belsendi jumys atqaratyn oryndarynda jumysqa ornalasýǵa basymdyq berý, 2020 jylǵa deıingi biliktiliktiń ulttyq júıesin kezeń-kezeńmen ázirleý, 2013-2014 jyldan bastap jalpy bilim beretin mektepterdegi oqý úderisinde bilim berýdiń ınteraktıvti túrlerin paıdalanýdy keńeıtý jáne on-laın oqytýdyń arnaýly oqý baǵdarlamalaryn engizý boıynsha oblystyq máslıhattyń depýtattary, saıası keńes músheleri jumys istep jatyr.
«Nur Otan» HDP Aqtóbe oblystyq fılıalynyń saıası keńes músheleri «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalanyń negizgi maqsaty halyqtyń áleýmettik jaǵdaıyn jaqsartyp, ekonomıkany damytý bolyp otyrǵanyn túsinedi. Sondyqtan osyndaı keleli isterdi túbegeıli júzege asyrý úshin barlyǵymyz atsalysyp, jumys isteýimiz qajet. Qazaqstannyń mártebesin kóterip, kósegesin kógertip, táýelsiz elimizdiń tútini túzý shyǵýy baǵytynda jumys jasaý nıeti árbir qazaq azamatynyń kókeıinde uıalaýy kerek. Sonda ǵana táýelsiz Qazaqstannyń tuǵyry berik, eńsesi bıik bolady.
Sóz sońynda aıtarym, atalǵan baǵdarlamalyq maqalanyń jastarǵa da tikeleı qatysy bar. Sondyqtan oǵan olar da úlken úles qosady dep úmittenemiz. Jáne osy máseleniń «Jas Otan» JQ-nyń II sezinde áńgimege arqaý bolatynyna da esh kúmánimiz joq.
Nurdáýlet ALDAShEV,
«Nur Otan» HDP Aqtóbe oblystyq
fılıaly partııalyq-uıymdastyrý
jumystary bóliminiń meńgerýshisi.