«QazMunaıGaz» 50% úlesi ulttyq kompanııasyna tıesili «CASPI BITUM» BK JShS О́zbekstan Respýblıkasyna bıtýmdy eksporttaı bastady. Qarasha aıyndaǵy eksporttyń kólemi 10 000 tonnany qurady. Bul týraly atalmysh kompanııanyń jurtshylyqpen baılanys departamenti habarlady.
Eske sala keteıik, jol bıtýmynyń alǵashqy eksporty О́zbekstanǵa 2017 jyly 650 tonna kóleminde jóneltilgen bolatyn. Endi ishki naryqtyń suranysy tolyǵymen ótelgennen keıin, zaýyttan ónimdi eksportqa shyǵarý turaqty negizde júrgizilýde.
Buryn kásiporyn qysqy ýaqytqa jumysyn toqtatatyn bolsa, qazir ónimge degen sheteldegi joǵary suranysqa baılanysty zaýyt jyl boıyna úzdiksiz jumys isteıdi. Bul bıtýmnyń joǵary qosylǵan qunyn eskergende, kásiporyn kirisine edáýir yqpal etedi.