Qostanaıǵa kelgen Memlekettik qyzmet salasyndaǵy óńirlik hab basqarýshy komıtetiniń tóraǵasy Álıhan Báımenov birneshe kezdesýler ótkizdi.
Kezdesýlerge memlekettik qyzmetkerler jáne onyń ishinde jergilikti basqarmalar men departamentter basshylary qatysty. Onda Álıhan Báımenov dáıekti reformalar nátıjesinde Qazaqstanda qurylǵan tıimdilik, merıtokratııa jáne qoǵamǵa esep berý qaǵıdattaryna negizdelgen memlekettik qyzmettiń biregeı modeli, elimizdegi memlekettik qyzmettiń damýy, jastar saıasaty jáne memlekettik qyzmetkerler mádenıeti týraly aıtty. Kezdesýlerde oǵan tyńdaýshylar tarapynan «Táýelsiz Qazaqstannyń memlekettik qyzmeti qalaı boldy?», «Búginde memlekettik qyzmettiń qalaı damyp kele jatyr jáne ony jetildirý boıynsha qandaı qadamdar jasalýda?» degen mazmunda suraqtar qoıyldy.
Memlekettik qyzmet salasyndaǵy óńirlik hab basqarýshy komıtetiniń tóraǵasy Álıhan Báımenov Táýelsiz Qazaqstandaǵy memlekettik qyzmet júıesinde "A" jáne "B" korpýstaryn alyp kelgen reformany ómirge engizgen saıası qaıratker bolatyn. Bul reforma jalpy memlekettik qyzmetti odan ári damytýǵa, jetildire túsýge yqpal etti. Oblys memlekettik organdarynyń birinshi basshylarymen kezdesý barysynda spıker Memlekettik qyzmettiń qalyptasý kezeńderine jáne onyń damý kezeńderine egjeı-tegjeıli toqtalyp, óz tájirıbesimen jáne jetistiktiń tarıhymen bólisti.
Sonymen qatar, qonaq Memlekettik qyzmet ardagerleri men Departamenttiń jáne Memlekettik basqarý akademııasy fılıalynyń ujymdarymen kezdesý ótkizdi.
Álıhan Báımenov osy saparynda Qostanaıdaǵy Shahmat klýbynda ótken ataqty toǵyzqumalaqshy, sporttyń osy túrinen elimizdegi alǵashqy sport sheberi Dmıtrıı Polıakovtyń 90 jyldyq mereıtoıyna oraı ótken oblystyq týrnırdiń ashylý saltanatyna qatysty. Dúnıejúzilik toǵyzqumalaq federasııasynyń prezıdenti Álıhan Báımenov qart sportshyny mereıjasymen quttyqtap, oǵan densaýlyq, tabystar tiledi.
Qostanaı