Eýropa lıgasynda toptyq kezeńniń besinshi týryndaǵy matchta elordanyń «Astanasy» «Manchester Iýnaıted» klýbyn jeńgennen keıin Qazaqstan ÝEFA klýbtar koeffısıenti reıtınginde 24-orynǵa kóterildi.
ÝEFA koeffısıentteriniń kestesi boıynsha, Ispanııa – 93.426 upaımen reıtıngtiń kóshin bastap tur. Ekinshi oryndy 82.033 upaımen Anglııa ıelense, úzdik úshtikti 65.355 upaımen Germanııa túıindedi. Al Qazaqstan 25-ten 24-orynǵa joǵarylady. Qorjynynda 19.375 upaı bar. Qazaqstannan keıingi oryndarǵa Belarýs – 18.875 (25-oryn), Ázerbaıjan – 18.500 (26), Bolgarııa – 17.125-27) ornalasty.
2019-2020 jylǵy Eýromaýsymnan bastap qaýymdastyqqa múshe barlyq klýbtardyń sońǵy bes jyldaǵy nátıjeleri esepke alynady. Iаǵnı, 2014-2015 jylǵy maýsymda jınaǵan upaılar esepke kirmeıdi.