Túrkistan oblysynda Saryaǵash aınalma jolynyń qurylysy qolǵa alyndy. Jańa avtojol qala ishindegi kólik júktemesin azaıtyp, О́zbekstan baǵytyna ótetin tranzıttik qozǵalysty aıtarlyqtaı jedeldetpek, dep habarlaıdy Egemen.kz.
Memleket basshysynyń tapsyrmasyna sáıkes, «QazAvtoJol» ulttyq kompanııasy óńirdiń kólik ınfraqurylymyn damytýǵa jáne Qazaqstannyń halyqaralyq tranzıttik áleýetin arttyrýǵa baǵyttalǵan iri jobany iske asyryp jatyr.
2026 jylǵy 5 sáýirde respýblıkalyq mańyzy bar «Saryaǵash aınalma jolynyń» qurylysy resmı túrde bastaldy. Is-sharaǵa «QazAvtoJol» UK» AQ basqarma tóraǵasy Darhan Imanashev, Túrkistan oblysynyń ákimi Nuralhan Kósherov jáne salalyq mekemelerdiń ókilderi qatysty.
Astanada 2026 jylǵy jol-qurylys jumystary maýsymy bastaldy
Darhan Imanashevtiń aıtýynsha, joba óńir úshin strategııalyq mańyzǵa ıe. Onyń iske asýy tranzıttik kólikti qala aýmaǵynan shyǵaryp, joldardaǵy júktemeni azaıtady ári kórshiles eldermen qatynasty jaqsartady. Bul baǵyttaǵy joldardyń ótkizý qabileti men qaýipsizdigin arttyrýǵa múmkindik beredi.
Joba aıasynda uzyndyǵy 102,6 shaqyrym bolatyn I-a sanattaǵy tórt jolaqty zamanaýı avtojol salý josparlanǵan. Jol halyqaralyq standarttarǵa sáıkes jobalanyp, úzdiksiz ári qaýipsiz qozǵalysty qamtamasyz etedi.
Aınalma joldyń salynýy óńir ekonomıkasyna da oń áserin tıgizedi: júk jáne jolaýshylar tasymaly jeńildeıdi, shekara mańyndaǵy saýda damıdy, al Túrkistan oblysynyń halyqaralyq kólik dálizderindegi mańyzy arta túsedi.
Sonymen qatar, oblysta jol ınfraqurylymyn jańǵyrtý jumystary jalǵasyp jatyr. Qazirgi tańda respýblıkalyq mańyzy bar joldardyń jalpy uzyndyǵy 678 shaqyrymdy quraıdy. Osy baǵytta 99,2 shaqyrym jolǵa kúrdeli jáne ortasha jóndeý júrgizilýde, onyń ishinde kópirler men jol toraptaryn jańartý da bar.
Almaty oblysynda jol opyryldy: Qozǵalys ýaqytsha shekteldi
2026 jyly «Shymkent – Qyzylorda» baǵytynda da jumystar josparlanǵan. Bul jolda jalpy uzyndyǵy 103 shaqyrym bolatyn ortasha jóndeý jobalary júzege asyp, qozǵalysty avtomattandyrylǵan baqylaý júıeleri ornatylady. Bul sharalar jol sapasyn arttyryp, kólik qozǵalysyn tıimdirek etedi.
Jalpy alǵanda, atalǵan jobalar óńirde zamanaýı ári qaýipsiz jol júıesin qalyptastyrýǵa, kólik qyzmetiniń sapasyn kóterýge jáne Qazaqstannyń tranzıttik múmkindikterin nyǵaıtýǵa baǵyttalǵan.