«Barselona» klýbynyń shabýylshysy Robert Levandovskı katalonııalyq ujymnan ketetinin resmı túrde málimdedi, dep habarlaıdy Egemen.kz.
Polshalyq forvard katalonııalyq klýb sapynda tórt maýsym ótkizip, odan keıin komandamen qoshtasyp otyr. Ol osy ýaqyt ishinde 191 matchqa qatysyp, 119 gol soqty. «Barselonamen» birge shabýylshy Ispanııanyń úsh dúrkin chempıony atanyp, el Kýbogin jáne úsh ret Ispanııa Sýperkýbogin jeńip aldy.
37 jastaǵy fýtbolshy bul sheshimi týraly áleýmettik jelidegi paraqshasynda málimdedi.
«Synaqtar men aýyr jumysqa toly tórt jyldan keıin alǵa jyljıtyn ýaqyt keldi. Men óz mıssııamdy oryndadym degen sezimmen ketip baramyn. Alǵashqy kúnnen bastap jankúıerlerden kórgen mahabbatty eshqashan umytpaımyn. Katalonııa – meniń jer betindegi mekenim. Osy tórt tamasha jyl ishinde jolyqtyrǵan jandardyń barlyǵyna raqmet», dep jazdy Levandovskı.
Sondaı-aq shabýylshy klýb prezıdenti Joan Laportaǵa «Barselonanyń» bir bólshegi bolýǵa múmkindik bergeni úshin erekshe alǵys aıtty.
Buǵan deıin Ispanııa premer-mınıstriniń Palestına týymen shyqqan «Barselona» oıynshysyn qoldaǵanyn jazǵan edik.
Esterińizge sala keteıik, 15 jastaǵy qazaqstandyq shabýylshy Kárim Meńdiqanov «Barselona» klýbymen kelisimshartqa otyrdy.