«Qazgıdromet» mamandary búgin Astana, Almaty jáne taǵy eki qala turǵyndary úshin aýa raıyna baılanysty eskertý jarııalady, dep habarlaıdy Egemen.kz.
«17 mamyrda Almaty qalasynda, túnde Astana, Qaraǵandy, Temirtaý qalalarynda qolaısyz meteorologııalyq jaǵdaılar kútiledi», delingen habarlamada.
Aýanyń lastanýy túrindegi qolaısyz meteorologııalyq jaǵdaılar atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (tynyshtyq, álsiz jel, tuman, ınversııa) jıyntyǵy qalyptasady.
Sınoptıkterdiń málimetinshe, búgin Astanada jaýyn-shashynsyz aýa raıy kútiledi. Soltústik-shyǵystan esken jeldiń ekpini túnde 2-7, kúndiz sekýndyna 9-14 metrge jetedi. Aýa temperatýrasy túnde 9-11 gradýs, kúndiz 26-28 gradýs.
Almatyda kún bultty, jaýyn-shashynsyz. Soltústik-shyǵystan soqqan jeldiń ekpini sekýndyna 3-8 metrge deıin jetedi. Aýa temperatýrasy túnde 8-10 gradýs, kúndiz 23-25 gradýs.
Qaraǵandyda kún bultty, jaýyn-shashynsyz. Soltústik-shyǵystan soqqan jeldiń ekpini túnde 3-8, kúndiz sekýndyna 7-12 metrge deıin jetedi. Aýa temperatýrasy túnde 9-11 gradýs, kúndiz 24-26 gradýs.
Qaraǵandy oblysynda jaýyn-shashyn boljanbaıdy. Soltústik-shyǵystan soqqan jeldiń ekpini sekýndyna 9-14 metrge, al tańerteń jáne tústen keıin aımaqtyń shyǵysynda, ońtústiginde 15-20 metrge deıin jetedi. Aýa temperatýrasy túnde 6-11 gradýs, kúndiz 24-29.