Prezıdent Qasym-Jomart Toqaev 15 mamyr kúni Túrkistanda ótken Túrki memleketteri uıymy beıresmı sammıtiniń qorytyndysy boıynsha jınalys ótkizip, mańyzdy halyqaralyq is-sharaǵa jan-jaqty daıyndalǵan oblys ákimi Nuralhan Kósherov pen óńir turǵyndaryna rızashylyǵyn bildirdi. Bul týraly Prezıdenttiń keńesshisi – Baspasóz hatshysy Aıbek Smadııarov málimdedi, dep jazady Egemen.kz.
Osy atqarylǵan jumystyń arqasynda túrki jurtynyń qasıetti qarashańyraǵy sanalatyn Túrkistan qalasy mádenı-gýmanıtarlyq yqpaldastyqtyń áleýetti ortalyǵy retinde iri halyqaralyq is-sharalardy ótkizýge ázir ekenin kórsetti.
Prezıdenttiń aıtýynsha, shet memleketterdiń basshylary men sammıtke qatysýshylar kólik joldarynyń sapasyna, jasyl jelegi mol kóshelerdiń, saıabaqtardyń tazalyǵyna joǵary baǵa bergen.
Memleket basshysy oblys jáne qala ákimine elimizdiń ǵana emes, tutas óńirdiń jaýhary – kóne Túrkistan shaharyn damytý men abattandyrý jumystaryna aıryqsha mán berýdi tapsyrdy.
Sonymen qatar Prezıdent Qazaqstannyń abyroı-bedeli úshin adal eńbek etken ákimdik pen memlekettik mekemelerdiń, áskerı jáne quqyq qorǵaý organdarynyń qyzmetkerlerin, kommýnaldyq qyzmet jumysshylaryn, eriktilerdi, sondaı-aq basqa da belsendilerdi memlekettik nagradalarmen, qurmet gramotalarymen jáne alǵys hattarmen marapattaý týraly sheshim qabyldaǵanyn jetkizdi.
Eske sala keteıik, 13 mamyrda Túrkııa Prezıdenti Rejep Taııp Erdoǵan Qazaqstanǵa memlekettik saparmen keldi. Ony áýejaıda Qasym-Jomart Toqaev ózi qarsy aldy. Memleket basshysy Qasym-Jomart Toqaev áleýmettik jelidegi paraqshasynda Rejep Taııp Erdoǵanmen birge túsken fotosyn jarııalady.
15 mamyrda Memleket basshysy Qasym-Jomart Toqaevtyń qatysýymen Túrki memleketteri uıymynyń beıresmı sammıti ótti.
О́zbekstan Prezıdenti Túrkistan halqyna erekshe tartý jasady