AQSh, Iran jáne óńirlik deldaldar qaqtyǵysty retteýdiń alǵashqy kezeńi retinde 45 kúndik atysty toqtatý rejımin engizý máselesin talqylap jatyr, dep jazady Egemen.kz.
Axios basylymynyń málimetinshe, taraptar eki kezeńnen turatyn jospardy qarastyryp jatyr. Birinshi kezeńde 45 kúnge ýaqytsha bitim jarııalaý usynylady. Osy merzim ishinde taraptar túpkilikti beıbit kelisimniń sharttaryn kelisýge tıis. Qajet bolǵan jaǵdaıda bul merzimdi uzartý múmkindigi de qarastyrylǵan.
Al ekinshi kezeńde qaqtyǵysty tolyq aıaqtaýǵa baǵyttalǵan keshendi kelisimge qol qoıý kózdeledi.
«Tegeran endi burynǵydaı bolmaıdy»: Izraıl men AQSh Iranǵa soqqy jasady
Derekkózderdiń málimetinshe, sońǵy kúnderi AQSh prezıdenti Donald Tramp ákimshiligi Iranǵa birneshe usynys joldaǵan. Alaıda Iran tarapy ázirge olardyń eshqaısyn qabyldamaǵan.
Sarapshylar aldaǵy 48 saǵat ishinde kelisimge qol jetkizý yqtımaldyǵyn tómen dep baǵalap otyr.
Eske salaıyq, 4 sáýirde Donald Tramp Iranǵa kelisim jasaý úshin 48 saǵat ýaqyt berilgenin, áıtpese «qatań soqqy jasalatynyn» málimdegen edi. О́z kezeginde Tegeran bul ýltımatýmdy qabyldamaı, AQSh basshysyna qatań jaýap qatatynyn jetkizdi.
«Aldaǵy 2-3 aptada Iranǵa joıqyn soqqy jasaımyz»: Tramp soǵystyń qashan aıaqtalatynyn aıtty